Matokeo ya Mtihani wa Kidato cha Nne 2018 na Matokeo ya QT

By
logo ya mwalimu makoba

Matokeo ya Kidato cha Nne

Matokeo ya kidato cha nne, yametangazwa na baraza la mitihani. Bofya link hapo juu kuona matokeo yote.

Matokeo ya Mtihani wa Upimaji Maarifa QT


Endapo link hiyo inasumbua, jaribu hii chini...

Asemavyo Mwalimu Makoba Kuhusu Matokeo ya Kidato cha Nne na QT Mwaka 2018

Kila yanapotoka matokeo ya kidato cha nne, hunikumbusha wakati nami nilipokuwa nikiyasubiri matokeo yangu enzi zile ndiyo nimehitimu kidato cha nne. Natambua ugumu wa kuyatazama matokeo hasa yanapokuwa mabaya. Hata yanapokuwa mazuri, bado kuna hofu, maana safari ya masomo bado kukoma.Huenda ukasoma kidato cha tano, huko utafanya tena mtihani wa kidato cha sita. Ukifika chuo nako, utakutana na mitihani ya kila mara ambayo ukiishindwa, hutaweza kuendelea na masomo bila kujali kuwa ulifaulu kidato cha nne, ulifaulu kidato cha sita. Hivyo, bado safari ni ndefu na haitakiwi kubweteka, juhudi ndiyo msingi pekee wa mafanikio.

Nawapongeza wanafunzi wote, waliofanya vizuri na waliofanya vibaya. Waliofanya vizuri, wazidi kusonga mbele, elimu ya kidato cha nne, ni mwanzo tu, bado vidato vingi vinakuja huko mbele. Bidii na kujituma, kunapaswa kuongezeka zaidi. Kama umeweza leo, amini unaweza hata kesho.

Ushauri Kwa wanafunzi waliofanya vibaya

Siyo mwisho. Usikate tamaa. Bado unanafasi ya kujaribu tena. Watu wengi waliofanikiwa, waliwahi kushindwa pia. Matokeo haya, yawe somo kwako, tambua ni kipi kimekufanya ushindwe, kisha sema, "sitashindwa tena, mimi ni mshindi!"

Wewe si wa kwanza kushindwa, wapo wengi walioshindwa, wakasikitika, lakini wakasimama tena na kujikuta wakifanikiwa. Amini ya kwamba wewe ni mshindi na unaweza kupambana tena na tena.

Kubali kuwa umeshindwa, kisha tafuta namna bora ya kushinda. Hatua ya kwanza ya kuondoa tatizo, ni kulikubali kwanza. Huna sababu ya kupoteza furaha kwa sababu ya matokeo ilhali unanafasi nyingi tu za kupambana na kuweza kuyabadilisha matokeo hayo hata kama ni mabaya sana.

Bado unanafasi nyingine. Unaweza ukarudia tena. Endapo utahitaji kurudia tena masomo yako, hakikisha unasoma katika sehemu inayostahili. Usisome katika eneo ambalo litakuwa sababu ya wewe kushidwa na kukata tamaa. Bado wewe ni mshindi, huu ni mwanzo tu!

Kwa masomo wasiliana na Mwalimu Makoba kwa namba:

0754 89 53 21 au 0653 25 05 66

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»

Uhakiki wa Tamthiliya ya Kilio Chetu

By
Image
TAMTHILIYA; KILIO CHETU MWANDISHI; MEDICAL AID FOUNDATION MCHAPISHAJI; TANZANIA PUBLISHING HOUSE MWAKA; 1995 JINA LA MHAKIKI; Mwalimu Daud Makoba Kilio chetu ni tamthiliya inayovunja ukimya uliotawala miongoni mwa jamii katika kutatua matatizo makubwa ambayo chimbuko lake ni mahusiano ya kijinsia. Katika tamthiliya hii vijana wanatoa sauti ya jitimai iliyojaa sononeko na shutuma dhidi ya wazazi, walezi na viongozi ambao wanafumbia macho suala hili nyeti. Ndiyo maana tamthiliya hii inasisitiza sana haja ya kuwapa vijana elimu juu ya mahusiano ya kijinsia badala ya hofu na vitisho ambavyo vimedhihirika kupitia hali halisi ya kuwa vimeshindwa. FANI MUUNDO Tamthiliya hii imetumia muundo wa moja kwa moja. Inaanza kwa kutuonesha wazazi wakibishana juu ya kutoa elimu ya jinsia na mahusiano. Mwisho Joti mtoto ambaye hakupatiwa elimu hiyo anampa mimba mtoto mwenzake Suzi. Baadae Joti anakufa kwa UKIMWI. Pia tamthiliya hii imegawanywa katika sehemu sita. sehemu y
Read More»